Vaqif Nuriyev dörd ildən çox sığorta, kənd təsərrüfatı, pərakəndə satış və istehsal sahələrində daxili auditor və maliyyə nəzarətçisi kimi təcrübəyə malik peşəkar kadrdır. O, maliyyə karyerasına 2018-ci ildə başlamış və daxili nəzarət çatışmazlıqlarının müəyyən edilməsi, auditin planlaşdırılması və illik audit planına uyğun olaraq risk əsaslı daxili auditlərin həyata keçirilməsi ilə məşğul olmuşdur. Onun audit fəaliyyəti maliyyə, əməliyyat, satınalma, insan resursları, marketinq və satış kimi əsas biznes sahələrini əhatə edir.

Vaqif 2022-ci ildə Baker Tilly Azərbaycan komandasına qoşulmuş və BMHS transformasiyası, mühasibat metodları, maliyyə hesabatlarının hazırlanması və məlumatların təhlili sahəsində ixtisaslaşmışdır. O, bütün ACCA imtahanlarını ilk cəhddə uğurla keçmiş ACCA, CFE və CIA üzvüdür. Vaqif Azərbaycan Respublikasının Prezidenti yanında Dövlət İdarəçilik Akademiyasında İdarəetmə və İqtisadiyyat üzrə təhsil almışdır. Layihə portfelinə Caspian Finance, Interal MMC, Azəralüminium MMC, Iodico, SR Group, Eurasia, Millikard və Halliburton kimi tanınmış müştərilər daxildir.