“Sinif icmalarının plan müsabiqəsi” qaliblərinin mükafatlandırılması mərasimi

Yanvarın 8-də məktəb icmalarının yaradılması üzrə pilot layihə çərçivəsində “Sinif icmalarının plan müsabiqəsi” qaliblərinin mükafatlandırılması mərasimi keçirilmişdir.

Bu müsabiqənin keçirilməsində əsas məqsəd pilot layihə çərçivəsində yaradılan icmaların fəaliyyətini stimullaşdırmaq, icma üzvlərini həvəsləndirmək, müəllim, şagird və valideynləri icma yaradılması prosesinə təşviq etmək olmuşdur.

Dünya Bankının əsas maliyyə və “Allianz Consult” şirkətinin təşkilati dəstəyi ilə həyata keçirilən bu müsabiqəyə “Baker Tilly Azərbaycan” MMC, “Access Bank” ASC, "Azerfon" MMC, “AZZA” şirniyyat evi, "Khazar Ventures" MMC, “Sağlam Ailə” MMC, “Standard Insurance” ASC kimi bir sıra şirkətlər tərəfindən müxtəlif formada dəstək verilmişdir.